Que mellor maneira de celebrar as Letras Galegas que recibindo a visita das pandereteir@s da Asociación OS DO 21!! Coa axuda do seu acordeón e as súas pandeiretas, cantáronnos varias cancións tradicionais galegas. No facebook do colexio contades con vídeos sobre a actuación. Os nenos, nenas e maiores pasámolo xenial e cantamos algunha canción que coñeciamos moi ben como foi "A saia de Carolina".
Hoxe remata o período de reparto de froita na escola como alternativa saludable para o recreo. Foron dúas semanas nas que tomamos mazá, fresas, albaricoques, laranxas...
A LINGUA GALEGA está de celebración!!! Mañá celebramos o DÍA DAS LETRAS GALEGAS, que este ano está adicado a unha escritora con alma galega chamada Mª VICTORIA MORENO MÁRQUEZ. É autora de moitos libros xa coñecidos para nós cos que contamos na nosa biblioteca escolar: "Leonardo e os fontaneiros", "Mar adiante","Eu conto, ti cantas...", "A festa no faiado"...
No colexio non paramos de traballar e os nenos e nenas esforzáronse moito e fixeron traballos marabillosos para conmemorar este día tan especial para os galegos.
Os nen@s de Infantil prepararon un mural precioso para a exposición da entrada; os nen@s de 1º e 2º de Primaria fixeron un libro e un mural sobre a vida e obra de Mª Victoria Moreno; os rapaces e as rapazas de 3º e 4º elaboraron carteis anunciadores das Letras Galegas 2018 que colgamos polo colexio; e os alumnos e alumnas máis maiores do colexio, os de 5º e 6º de Primaria, están a preparar un programa especial da nosa radio escolar que moi pronto poderemos escoitar en RadioGaldo. Estade atentos!!! Polo de agora deixamos unhas fotos e un vídeo cos traballos elaborados, esperamos que vos guste!!
Grazas á colaboración dun pai dunha nena de 2º, onte no cole foi un día especial para o alumnado de 1º, 2º e 3º de Educación Primaria viñeron un grupo de Gardas Forestaisfalarnos da loita contra os incendios.
Premendo na fotografía poderedes ter máis información!
Premendo na imaxe poderedes ver o relativo á charla realizada pola Garda Civil que pertence ao Servizo de Protección da Natureza (Seprona) sobre o labor que leva a cabo na loita contra incendios.
Ao longo desta semana, como cada curso por estas datas, preparamos varias actividades para celebrar a Semana da Árbore e a Auga.
Entre elas, a lectura dos libros enviados pola Deputación e actividades sobre os mesmos. Tamén enviaron un salgueiro que prantamos xunto con 3 árbores máis nas zonas de Infantil e Primaria do noso patio. Durante a prantación, os nenos e nenas de 5º e 6º leron varios poemas en Galego e Inglés.
Agora, xa só queda poñerlles nome, o que faremos á volta das vacacións. Ah, e por suposto, coidalas moito :)
Esta semana ímola dedicar á nosa PREZADA ROSALÍA, cada día, na HORA DE LER, teremos diversas actividades de dinamización á lectura,todas elas relacionadas coa vida e obra de dita escritora.
O luns, foi o turno de 5º e 6º curso, fixeron áESCENIFICACIÓN DA "CRONOLOXÍA ROSALIANA" (contar de forma amena a súa vida e obras) e unha PERFORMANCE do poema "NEGRA SOMBRA" coa canción de Luz Casal e Carlos Núñez. Para isto documentámonos co libro de "MULLERES BRAVAS DA NOSA HISTORIA,ROSALÍA DE CASTRO"da editorial URCO.
Este é o video,espero que vos guste.
O martes,foi o turno de 3º e 4º curso,esta vez decidiron utilizar a música dunha maneira moi orixinal. O curso de 3º,traballou co libro-disco "UXÍA,ROSALÍA PEQUENIÑA",da editorial Galaxia,e cantaron "HAS DE CANTAR". O curso de 4º, decidiron rapear; buscando información sobre Rosalía atoparon as WIKIROSALÍAS, unhas nenas que rapean poemas desta autora; elixiron "ALBORADA" porque este poema representa a chegada da primavera que o día 21 de marzo dará comezo coincidindo co Día Internacional da Poesía.
MIRADE QUE BEN O FIXERON!
O xoves, foi o turno de 1º e 4º de infantil; tamén traballaron co libro-disco de "UXÍA, ROSALÍA PEQUENIÑA"; 1º CURSO,recita e canta "ROSALÍA PEQUENIÑA",e as nenas e nenos de 4º de infantil, recitaron unha estrofa do poema "ALBORADA".
E o venres foi o turno do alumnado de Infantil e 1º curso, que fixeron diferentes recitados:
As nenas e nenos de 6º de infantil,traballaron co libro dos BOLECHAS, AS MIÑAS PRIMEIRAS LETRAS, ROSALÍA, da editorial Bahía, recitando "ADIOS RÍOS, ADIOS FONTES".
As nenas e nenos de 5º de infantil, traballaron co libro de "ROSALÍA PEQUENIÑA" e fixeron "MAIO LONGO",pero unha versión coa música de Carlos Núñez".
2º curso "XAN", unha poesía que nos fai reflexionar neste día da MULLER TRABALLADORA, un Xan que facía tódalas cousas dentro e fóra da casa,vamos ,como di Rosalía, un Xan moi compreto.
