COMO SE RECICLA NUN BARCO?

Ola rapazada de 5º de primaria :)

Lembrades aquela caixiña coa vosa carta de investigación dentro do proxecto SOÑANDO MARES TRANSPARENTES?

 Tiñades que averiguar o seguinte: 

 

1- Que barcos de Celeiro ou Burela reciclan en alta mar? 

2- Que barco foi o primeiro en reciclar? 

3- Que fan con ese lixo? E os que non reciclan? 

4- Cantos barcos galegos reciclan? Averigua a flota galega que agora mesmo existe e calcula o seu tanto por cen, paréceche moito? 

Neste video, A BORDO DO FLECHA, gracias a Tino (fillo do armador do FLECHA) coñecerás como se recicla nun barco.

ESCOITA E REFLEXIONA...

DESPOIS DE ESCOITAR A TINO, GALDIÑO presenta unha novidade da editorial kalandraka: 

PLASTICUS MARITIMUS,UNHA ESPECIE INVANSORA

(Se premes na imaxe poderás ver o libro en formato pdf.)

"Cada hora que pasa, mil toneladas de plástico van dar aos océanos. O equivalente a un camión cheo de plástico por minuto! Porque é artificial, invasora, contaminante e ten unha vida moi longa, esta 'especie' merece ter os días contados".

DÍA MUNDIAL DOS OCÉANOS

Onte, 8 de Xuño, foi o Día Mundial dos Océanos

En decembro de 2008 a Asamblea Xeral das Nacións Unidas resolveu que a partir de 2009, cada 8 de xuño se celebraría o Día Mundial dos Océanos.

Esta conmemoración ten como propósito concienciar á opinión pública sobre as consecuencias que a actividade HUMANA ten para os océanos e poñer en marcha un movemento mundial cidadán a favor da xestión sostible destes, xa que son unha fonte importante de alimentos e medicinas e unha parte esencial da biosfera.

Hoxe, se non fora polo covid-19, estariamos celebrando no cole a nosa feira, o final do noso proxecto... convidando a toda a  comunidade educativa.

Como non foi posible, pedímosvos que vós, coas vosas mensaxes, concienciedes a toda a CIDADANÍA, e así foi...o mar xa vos respondeu...  

             

DÍA DO MEDIO AMBIENTE

O día 5 de xuño, é o DÍA DO MEDIO AMBIENTE; este día debería de servirnos para reflexionar todo o que vimos falando e facendo durante estes cursos. 

Recordades a carta que lle enviastes á terra? Déixovos o  enlace para facer memoria... hoxe recollemos todas as vosas REFLEXIÓNS, fermosas todas elas, e cheas de sentido...pensades cousiñas que si se levaran a cabo, este mundo sería mellor :) 

Este libro recolle os vosos traballos; tamén fixemos un video contando os trociños de cada traballo mandado!

ESCOITADE E DESFRUTADE  :)

RAP DA AUGA

Ola familias :)

  Aquí tedes o resultado dunha actividade que quedou sen finalizar antes do confinamento aló polo mes de marzo. 

    O mes de marzo é o mes da POESÍA e tiñamos pensado levar a cabo un recital poético onde participaría todo o centro. 

   O alumando de 6º ía levar a cabo os raps cos que participaron no concurso que organiza Viaqua, "Galicia, Auga, Literatura e Rap". 

 Presentaron dous poemas de Manuel María, "Biografía do Miño" e "Desacordos contra os contaminadores do río Miño", no que resultaron gañadores da primeira fase do concurso.

Pareceunos unha temática que se axeitaba perfectamente ao noso proxecto. Poesía rapeada no noso entorno próximo: un pracer para os sentidos.

         

Que sorte temos de ter estas paisaxes ao ladiño do cole e poder pasar unha mañá recitando a carón do río Landro.

Este foi o primeiro grupo, formado por: 

Aarón, Daniela Franco, Daniela Sánchez e Pablo

" Desacordos contra os contaminadores do río Miño"

O segundo grupo estaba formado por: 

Daniela Iglesias, Antía e Alicia.

"Biografía do río Miño"

TAREFA FINAL DO PROXECTO: SOÑANDO MARES TRANSPARENTES

Ola rapazada :)

DÍA DO MEDIO AMBIENTE E OS OCÉANOS

O vindeiro 5 e 8 de  xuño é o Día  do  MEDIO AMBIENTE  e dos  OCÉANOS, repectivamente.

Antes desta situación de confinamento,  tiñamos pensado facer unha  actividade final do proxecto: “SOÑANDO MARES TRANSPARENTES” no centro e convidarvos a participar do traballo feito polos vosos fillos e fillas durante este curso. 

Pero non queremos quedar sen unha actividade final de proxecto, por iso temos unha proposta.

A idea é que nos enviedes unha mensaxe  na praia, co mar de fondo ( aproveitando estes días de sol). Unha mensaxe de esperanza para o noso mar… que queredes, que podedes facer para coidalo…

Os videos serán gravados en HORIZONTAL e cunha duración de 10 segundos. Podedes envíalos ao correo  bibliogaldo16@gmail.com co ASUNTO: "Mensaxe ao mar"
DATA LÍMITE: Sábado 6 de xuño.

Moitíiisimas grazas familia, de verdade…

INVESTIGAMOS E CREAMOS UN MAR PARA AS BALEAS

Ola nenas e nenos :)

TEMOS NOVOS RETOS para facer na casa, agora tócalle o turno ao alumnado de 3 anos, a clase dos VERMELLOS. 

Á clase dos vermellos tocoulles investigar sobre as BALEAS e os MARES onde habitan. A estes animais tamén lles está a afectar o cambio climático...É O VOSO TURNO PARA INVESTIGAR.

AQUÍ VOS DEIXAMOS UN VIDEO PARA FACER O VOSO PROPIO MAR... 

Ao finalizar o VIDEO pídesevos que investiguedes... tedes a presentación abaixo.

E AGORA ESTE PEQUENO TRABALLIÑO


LEMBRADE, é unha  "PRESENTACIÓN INTERACTIVA".

QUE SIGNIFICA ISTO? que según pasas o rato polas diferentes páxinas aparecerán etiquetas novas con información do que tedes que facer.

A INVESTIGAR :)

Cando teñas o treu traballo feito fai unha foto do resultado para mandarlla á mestra MÓNICA

FELIZ DÍA DA TERRA: "SENTIRÉMONOS PRONTO"

Querido alumnado :)

Hoxe 22 de abril é o DÍA DA TERRA, e témoslle que dar os parabéns xa que  é o seu 50º aniversario.

Teño unha sopresa para todos e todas vós, a TERRA enviouvos unha CARTA, sí ESCOITADES ben, unha fermosa carta en formato VÍDEO; sabe que á rapazada do cole de Galdo encántalle os videos e escoitar esas fermosas voces e ver imaxes que levan á REFLEXIÓN.

ESCOITA, MIRA e SINTE a MENSAXE que che envía a TERRA ...

PROPOSTA DENDE BIBLIOTECA, DINAMIZACIÓN e VOZ NATURA:

1. Respondédelle á TERRA a través do formato CARTA (se pinchas no enlace acederás á información para saber redactar unha carta). O alumnado de INFANTIL, poderá responder cunha frase ou unha mensaxe curta.
2. FORMATO do traballo: se tedes cartulina A3 xenial, nunha metade facedes a carta, na outra, un debuxo para a TERRA, podedes utilizar calquera técnica. Se non tedes ese formato, nun folio ou cartulina blanca.
3. Poñede o voso nome: FAMILIA de..... e o curso do voso fillo/a.
4. FACEDE unha FOTO en horizontal, que se vexa ben de cerca o voso traballo.
5. RECORDADE: o máis importante do traballo é a ESCRITA, coidada e sen faltas de ortografía.
6. A entrega será ata o 15 de maio.
7. CORREO: bibliogaldo16@gmail.com

Con tódolos traballos recopilados faremos un fermoso video adicado a vós FAMILIAS, porque se algo se caracteriza esta biblioteca é pola vosa PARTICIPACIÓN en tódalas actividades.

MIL GRAZAS...de corazón

EXPERIMENTA: ACIDIFICAMOS?

Olaaaaa rapazas e rapaces :(

Acércase o día da TERRA, e eu quería darvos as grazas polo ENORME TRABALLO que fixestes durante este curso, aportando moita información e investigación ao noso proxecto "SOÑANDO MARES TRANSPARENTES".

Recordades cando vos presentamos o proxecto e vimos este video da ONU "Los océanos definen nuestro planeta"  (gran traballo do alumnado de 1º,2º,3º e 4º de primaria xa que lle  puxeron o audio en galego.) Pareceunos moi significativo para vós, pola mensaxe que transmite, algo que nos parece vital para a vida do planeta: o coidado do Mar comeza en cada un.

MIRADE o video de novo....

Despois do visionado do video, o alumnado de 3º e 4º van facer un experimento na casa da ACIDIFICACIÓN DO MAR,  e preguntarédesvos, que significa esta palabra?

Se premedes nesta entrada do blogue O CATAVENTOS poderedes ver toda a información.

Invítovos á toda a comunidade a levar a cabo o experimento que propón a mestra Inés, é moi sinxelo e estou segura de que tedes todos os ingredientes na casa.

ANIMÁDEVOS E MANDADE OS VOSOS VIDEOS co voso nome e curso ao correo: bibliogaldo16@gmail.com

VIDEO DO ENTROIDO

OLA RAPAZADA :)

Aquí sigo soiño...


Teño un agasallo para vós, este fermoso VIDEO do marabilloso traballo que fixestes durante o ENTROIDO.

ESPERO QUE VOS GUSTE TANTO COMA MIN...e mentras tanto #quedanacasa

UN MAR DE PAZ

Ola rapazada :)

Despois do NADAL volvimos coas pilas cargadas para seguir coa nosa labor de PROTEXER OS NOSOS MARES...

Hoxe celebramos o DÍA DA PAZ e que mellor forma que reflexionar sobre o que lle estamos a facer ao noso planeta, á nosa terriña, aos nosos MARES...

Por iso quixemos lanzar as nosas MENSAXES, mensaxes de esperanza, do que queremos de verdade no día a día, comezando polo noso centro e rematando na rúa,no parque, na PRAIA...

Creo que a MENSAXE chegou ao noso concello... QUERÉDELO VER??

Mirade,miradeeee...neste video recóllese toda a vosa labor e empeño.

MOITAS GRAZAS RAPACES E RAPAZAS!!!

#cidadanía  #marestransparentes

O NOSO PLÁSTICO DO DÍA A DÍA...

Ola rapaces, ides alucinar co visionado deste video! Xa sabedes que a semana pasada tivestes unha tarefa común: baleirar as papeleiras de cor amarelo onde depositastes o plástico das merendas que trouxestes, durante unha semana, para o recreo de media mañá. 

MIRADE O RESULTADO...COMO QUEDOU O ACUARIO??????

TEREMOS QUE REFLEXIONAR SOBRE ISTO??? 

GALDIÑO ESTÁ MOI PREOCUPADO E QUERE LANZAR UN RETO:

DURANTE A VINDEIRA SEMANA TEREDES QUE CONSIGUIR SER A CLASE QUE MENOS PLÁSTICO TRAIA DAS MERENDAS :)

SEREDES CAPACES?