4.12.21

3 de decembro, Día Internacional dos dereitos das persoas con discapacidade

 Para o 3 de decembro, quixemos poñer o foco nas capacidades diferentes e non no prefixo "Dis".

Realizamos pequenos retratos distintos de cores que forman un precioso bloque conxunto diverso. Xuntando capacidades variadas baixo o mesmo amplo paraugas.
Como se se tratara dunha orquestra que toca coloridas cancións ainda que chova...
 
En Galdo ninguén desafina e ninguén queda fóra do grande paraugas que nos ampara a todas e a todos!

Somos diferentes,temos capacidades e discapacidades diferentes, que imos descubrindo pouco a pouco na nosa convivencia.
 
Para facer grandes cousas e obter uns resultados de calidade, é preciso poñer o foco nas moi distintas capacidades e virtudes individuais. Xuntalas todas nun obxectivo común onde todas e todos estemos representados e nos sintamos parte do mosaico conxunto e do conxunto do mosaico en xeral.
 
Baixo o mesmo paraugas, ninguén se queda fóra da protección!


                 

26.11.21

25-N Día Internacional contra a violencia de xénero

 Ola familias!

Nesta entrada do blogue aunamos as actividades que se celebraron no centro co motivo da celebración do Día Internacional da NON Violencia de Xénero o pasado 25 de novembro, e o Día da discapacidade o 3 de decembro. 


25 de novembro: "COMPENSATORIA. TRATANDO COS CONTOS"

Traballo a través de contos, lecturas ben escollidas, performances e metáforas para comprender o significado do 25N Día Internacional da NON violencia de , concienciar e visibilizar o maltrato, reflexionar e dialogar para buscar solucións. 
 
Tarefa final: BO TRATO. Ir concretando en accións que definan o Bo trato. Escribir mensaxes de conciencia e acción cara ao Bo trato.

Escenificación e análise do conto "A voda do Galo Pinto". Adaptando o traballo, a posta en escena e as demandas de análise para os distintos grupos de Infantil e Primaria. Tendo moi ben preparada e adaptada a presentación para cada un dos grupos.
 
Outros contos traballados e analizados foron: O PapónArtur e ClementinaEra unha segunda vez...A Bela e a Bestia.


Realizouse tamén un teatro de monicreques para as nenas e nenos de infantil e primeiro ciclo de primaria do conto "Pepuca e o monstro que lle roubou o sorriso"



As nenas e nenos de 3º de primaria traballaron sobre o libro "No corazón do bosque", capítulo "O segredo de Raquel". Ata se animaron a facer teatro radiofónico! 
 
Escoitamos! 
 




Ademais, cada clase elaboramos mans violetas con mensaxes de BO TRATO para colgar na nosa árbore da entrada, e extendimos esta actividade a toda a comunidade educativa, a través dunha instalación artística na que se colgaron lazos na porta do cole con estas mensaxes. 





8.11.21

MAGOSTO!

 O venres gozamos no cole dunha xornada de Magosto.

Dado que este curso estamos a traballar sobre o PDI 25 anos apegados á terra. 25 anos apegados ao noso, decidimos rescatar tradicións arraigadas no centro para esta festa do outono, elaborando diferentes complementos para a cabeza con elementos naturais e de refugallo, e envases con cartóns de leite para manter as castañas ben quentiñas. 

Aquí vai a mostra!

                                                                     

Foi un día de desfrute total, convivencia e diversión. Ademais de degustar as deliciosas castañas, bailamos e cantamos ao son da música tradicional galega, e xogamos a xogos populares como o peón, zancos, cordas, carreiras de sacos ou o "Comecastañas".

VIVA O MAGOSTO, AS FESTAS POPULARES E AS TRADICIÓNS!












2.11.21

CAL É A ORIXE DO SAMAÍN?

 O primeiro ciclo de E. Primaria estivo investigando para saber sobre O Samaín e logo poder explicalo. 

Fixéronse preguntas e procuraron as respostas. Traballaron vocabulario relacionado. Escoitaron e leron sobre os pobos celtas, os costumes en diferentes lugares, as catrinas mexicanas, as cabazas calacús... O noso Samaín...

Logo, elaboraron un resumo para explicar en frases.

Neste Podcast podemos escoitar a orixinal explicación acompañados da música de Paco Nogueiras “No Samaín”, canción incluída no libro disco Brinca vai!


Escoitamos!



30.10.21

O CEMITERIO DOS CONTOS

o alumnado de infantil encontrou na sÚa horta un cemiterio cheiño de contos...

por quE estaban alí? cal era a temática dos contos? serán todos de medo?

 

Na hora de ler foron rescatalos e tiveron unhas lecturas mooi tenebrosas!


RELATOS DE SAMAÍN

O alumnado de 3º e 4º de primaria, foron pequenos escritores e escritoras de "RELATOS DE MEDO".

De forma cooperativa, puxéronse mans á obra para escribir os seus propios relatos.

Desfrutade da súa creación interactuando nesta imaxe. Se premedes nas iconas levaravos aos vídeos.

NON PASEDES MOITO MEDO !!


MOITO MAXÍN, NO SAMAÍN

     Emocionante xornada de Samaín no cole de Galdo , moi terroríficaaaa!! 

    A mañá comezou moi escura, so alumeaban as candeas das vosas cabazas decoradas, que medo daba o cole!!

    Grazas familias pola vosa colaboración nesta festa, xa que tamén puidestes desfrutar nas vosas casas compartindo un tempo estupendo esculpindo e decorando as cabazas. E moitas grazas tamén á ANPA pola vosa visita😊.

 Esta semana estivo cargadiña de actividades que iremos presentando en entradas posteriores. Hoxe presentamos un vídeo resumo do día.

FELIZ SAMAÍN!

 


 

25.10.21

24 de outubro, Día das Bibliotecas Escolares

As bibliotecas son lugares que promoven o acceso á cultura, o coñecemento e o entretemento, e cumplen esta función poñendo o acceso a recursos e asesoramento ao alcance de tod@s.

 

 Cada 24 de outubro lévase a cabo un traballo de visibilización da biblioteca como espazo e como servizo, e este ano queremos dicirvos que seguimos aquí, coas mesmas gañas e forza que sempre. 


Este lugar no que estades a ler estas palabras é o BLOGUE DA BIBLIO, e dende aquí poñeremos á vosa disposición recursos diversos relacionados con eses tres eixos dos que comezabamos falando: cultura, coñecemento e entretemento.

SEMPRE estaremos dispost@s a escoitar novas propostas que botedes en falta. 

PRESENTACIÓN DO PROXECTO ANUAL DE CENTRO

" 25 ANOS CAMIÑANDO XUNTOS "


Para celebrar esta data tan especial decidimos facer a presentación do noso gran Proxecto. Como cada ano imos realizar un Proxecto no que todos/as  os membros do colexio participamos! 

 A encomenda chegou das mans de Galdiño. No curso 2020 este centro fixo 25 anos e nós queremos celebralo estudando a historia escolar das nosas familias.

Botádelle un ollo a este video ... coñecedes a alguén?


 

25.6.21

XELA ARIAS. LETRAS GALEGAS 2021. RADIOGALDO

 Ola rapazada :)

Por fin temos os programas de radio do día das LETRAS GALEGAS 2021. Parabéns a tod@s polo voso traballo.


9.6.21

PDI "PORQUE UN CAMIÑO MELLOR É POSIBLE "


 Ola rapazada :)

O curso remata e Galdiño peregrino quere felicitarvos polo bo traballo que fixestes. Aquí tedes o resumo de tódalas actividades que fixestes ao longo do curso.

O camiño foi longo pero mereceu a pena. Cada vez estamos máis preto de alcanzar o noso ansiado produto final, a GUÍA INFANTIL DO CAMIÑO do MAR!

Entre todos e todas axudaremos ao concello a poñer o noso gran de area para darlle un pequeno empuxón á OFICIALIZACIÓN desta ruta.


7.6.21

ENTREVISTA A MANU CARREJA E MARÍA PALMEIRO.

 Aquí tedes a entrevista que lle fixestes a Manu e María, veciños de Covas, Viveiro.

O alumnado de 6ºEP preparou unha entrevista para preguntar pola súa experiencia facendo o Camiño do Mar, concretamente estaban moi interesados na etapa que lle corresponde a este curso, xa que o día 11 de xuño sairán a facela eles/as.

O alumnado de 5ºEP quixo informarse sobre os HÁBITOS SAUDABLES, todo aquilo que ten que ver coa ALIMENTACIÓN, HIDRATACIÓN, ROUPA, CALZADO, DESCANSO...

GRAZAS MANU pola túa aportación ao programa! jaaaaaaa

MÚSICA:  "Camina a Galicia" de Xoel López

 

O ALUMNANADO DE 1º,2º,3º,4º PUIDERON ENTREVISTALOS NO PATIO

 


 

DÍA DO MEDIO AMBIENTE

O 5 de xuño celébrase o día Mundial do Medio Ambiente. 
 
Este ano non estIvemos no cole pero iso non nos impide conmemoralo convosco. Cada día, dunha maneira ou doutra, achegámosvos a nosa preocupación polo coidado do Medio ambiente. 
 
Ben dende o noso reto de residuos cero, ben dende o coidado do noso patio: hortas, xardíns, charca, árbores ...
 
 Nestas últimas imos incidir. Como xa sabedes, este curso iniciamos a clasificación das árbores do cole, o que nos acercou máis a elas: aloumiñámolas, retratámolas, descubrímolas, respectamos os seus tempos e aprendemos delas. 
 
 Hoxe, para festexar este día queremos mostrarvos o froito do voso traballo. Esperamos que vos faga tan felices como nos fixo a nós. 
 
Esta é a vosa GUÍA. Feliz día do Medio Ambiente e lembrade: “a terra que pisamos é un empréstito que nos fan as xeracións futuras, coidémola”. 
(Texto: Inés Castro,coordinadora de Voz Natura )
 
 

25.5.21

LETRAS GALEGAS 2021

 XELA ARIAS

Día das letras galegas 2021 adicadas a unha muller valente e independente que se foi prematuramente e que defendía que a POESÍA había que vivila e sacala ás rúas.


Despois de pescudar a fondo sobre a vida de Xela Arias, fíxose unha exposición  onde participou todo o alumnado de primaria e infantil. 

Os nenos e nenas de infantil decoraron o X de Xela, ademáis de elaborar retratos da escritora. En primaria realizáronse murais, acrósticos ademais de outros traballos.


Dentro das actividades, estaba programada que o alumnado de 3º e 4º lle fixese unha entrevista a Xiana Lastra, cantante da Banda da Loba. Dende a área de MÚSICA, a mestra Carmen preparou unha presentación para que pescudaran sobre a banda.



Foi xenial que viñera ata o cole e nos cantara en directo un trociño da canción "DARÍO A DIARIO" do album "HASME OIR"


 

 

10.5.21

XELA ARIAS. LETRAS GALEGAS 2021

 

 
 
 RECURSOS NA WEB:
 
 
 
                VIDEOS SOBRE BIOGRAFÍA E OBRA DE XELA.


 













 "Hasme oír" ( cos versos de Xela Arias)

A BANDA DA LOBA

 


 

 


 

 


 

 


 

26.4.21

DÍA DO LIBRO

Na semana do día do libro fixemos diferentes actividades de animación á lectura. Todo o alumnado de infantil e primaria foron partícipes, tanto de público respetuoso coma de intérpretes.

Mirade que artistas temos!


ALUMNADO DE 2º DE EP: "BO CAMIÑO VALENTIÑO!"

 


ALUMNADO DE 1º DE EP: "POLO CAMIÑO"

 


 ALUMNADO E 5º de INFANTIL: "PEQUENO AZUL E PEQUENO AMARELO"

 


 ALUMNADO DE 6º DE EI recita: "POEMAS DE PIRULETA"




24.3.21

ENTROIDO 2021 : "COMEZA A PEREGRINACIÓN POLO CAMIÑO DO MAR"

 Ola rapazada :)

Por fin "HABEMUS" VIDEO do entroido, jaaaaa. A mestra Inés recopilou tódalas fotos dos momentos vividos antes, durante e o mesmo día do entroido, para facer este vídeo marabilloso.

Desfrutade do voso traballo, porque tédesvos que sentir mooi orgullos@s, que satisfación máis grande saber que  fixestes vós O VOSO disfrace , que axudastes aos vosos compañeir@s.  Moitas grazas ás familias por colaborar nisto... sempre estades dispostas a todo.

COMEZA A PEREGRINAXE...

 


 

22.3.21

POESÍA NO CAMIÑO

 

MADRIGAL Á CIBDÁ DE SANTIAGO. FEDERICO GARCÍA LORCA


 Chove en Santiago,
meu doce amor.
Camelia branca do ar
brila entebrecida ó sol.
Chove en Santiago
na noite escura.
Herbas de prata e de sono
cobren a valeira lúa.


Olla a choiva pola rúa,
laio de pedra e cristal.
Olla no vento esvaído
soma e cinza do teu mar.

 

Soma e cinza do teu mar
Santiago, lonxe do sol;
ágoa da mañán anterga
trema no meu corazón.

García Lorca, Federico (1978) Seis poemas galegos (Madrid: Akal, Col. arealongiña)

 

 

 

Sabedes que os poemas poden ser versionados por cantautores ou grupos? Aquí tedes un exemplo, dúas versións preciosas para ESCOITAR E SENTIR ! 

 

VERSIÓN DE CARLOS DÍAZ do poema de Federico García Lorca

 


 

VERSIÓN DE LUAR NA LUBRE E ISMAEL SERRANO.






DÍA INTERNACIONAL DO BOSQUE E DÍA MUNDIAL DA POESÍA

Hoxe é o día internacional dos BOSQUES e tamén o  Día da POESÍA , so tedes que mirar o voso patio para comprender que estades rodeados de natureza, de toda clase de árbores.

 Por que relacionamos a poesía coa chegada da primavera?

  Porque simbólica e etimoloxicamente relacionamos a poesía coa creación, co rexurdimento da vida, o espertar na natureza despois dos meses fríos do inverno, tempo do amor e da fertilidade, enerxía vital.

 En todas as culturas este período do ano aparece vencellado aos procesos creativos. Na primavera énchese o mundo de flores e de cancións. A primavera é o tempo dos namorados, mais tamén do libro e da lectura (23 de abril), o tempo das Letras Galegas (17 de maio).

Nas culturas clásicas e na cultura medieval de occidente na primavera celebrábanse os festivais ou certames de poesía, concentración de músicos e poetas. As grandes cortes do amor da Idade Media convocábanse preferentemente na primavera.

(A POESÍA, O PORTAL DAS PALABRAS )

Este pequeno video é para que observedes e sintades todo aquilo que vos provoca a natureza  e... por que non escribilo? da igual en que formato: poesía, unha carta, unha noticia, un conto...

 

"HAI MOMENTOS NO CAMIÑO NOS QUE AS PALABRAS NON SON NECESARIAS" Inés Castro.

CASTIÑEIRO


 Está soio o castiñeiro

no cómaro dun labradío.

¡E como o ollo senlleiro

eu coido que sinte frío!

 

Ten a copa moi redonda

e ten a casca enrugada.

¡Debe sentir pena fonda

lembrando a vida pasada!

 

Como xa ten tantos anos

os seus foron morrendo.

¡Agora arbres estranos

escóitano estar xemendo!

 

¡Case non hai castiñeiros!

Os que hai son de respeto: 

¡vellinos,orfos,tristeiros

e con furados do peto...

...

TERRA CHÁ (1954)

MANUEL MARÍA






17.3.21

#8M DÍA INTERNACIONAL DA MULLER TRABALLADORA


 OLA RAPAZADA :)

GALDIÑO está supercontento ! A exposición realizada o #8M MULLERES ABRINDO "CAMIÑO"  tivo un éxito rotundo. 

Sabe que o traballo de pescuda da información foi frutuoso, xa que, grazas a vós, ás vosas aportacións e traballos, puidemos saber que é unha PERCEBEIRA, unha CAPITÁ de pesca e unha ENXEÑEIRA NAVAL. Todas estas mulleres son da nosa zona, concretamente de Viveiro e Xove.

O alumando de  4º, 5º e 6º preparou unha entrevista a cada unha e o resto dos cursos fixeron a parte da investigación da propia profesión.

Este foi o reparto :

  1. ENTREVISTA a ANA MEITÍN,PERCEBEIRA, feita polo alumnado de 4º de E.P. O alumnado de 3 aniños fixo a parte plástica, os percebes e traballaron a súa fotografía. O alumnado de 1º investigaron sobre a súa profesión, aparellos, etc.
  2. ENTREVISTA a LUCÍA FERNÁNDEZ CAO, ENXEÑEIRA NAVAL, feita polo alumnado de 5º de E.P . O alumnado de 5 anos fixo a parte plástica e investigaron sobre a súa profesión, centrados sobre todo nas pezas que fai Lucía, que son engranaxes e hélices. O alumnado de 3º E.P realizaron uns preciosos bosquexos de barcos feitos a carboncillo.
  3. ENTREVISTA a ARANTXA TORIZA, CAPITÁ de pesca. Foi o curso de 6ºE.P quen lle realizou a entrevista, e o alumnado de 2ºE.P investigou sobre a súa profesión. Os máis pequenos, o alumando de 4 anos, fixo un TEMÓN e traballou a súa fotografía.

Tivemos a sorte de que viñeran ao centro e coñecelas en persoa.


 o EQUIPO DE BIBLIOTECA fixo un genially para poder pescudar sobre estas mulleres e outras que nos abriron camiño a TODAS NÓS.

 

 

AQUÍ VOS DEIXAMOS O VIDEO para que toda a comunidade educativa poidades desfrutar desta exposición. Canto nos tarda que podades vir en persoa ao centro. 


 

5.3.21

OBRADOIRO DE RADIO CON "PONTE NAS ONDAS"

 Ola rapazada :)

Hoxe foi un día xeniaaaal ! tivemos a sorte de facer un OBRADOIRO DE RADIO cuns profes marabillosos de PONTE NAS ONDAS. 

Nunha soa sesión traballamos os seguintes contidos:

  • ORALIDADE : dicción e proxección da voz, a locución e interpretación coa voz.
  • EDICIÓN DE SON : utilizando o programa de distribución libre Audacity ensináronos a gravación e edición do son, e a preparación e creación de podcasts, e o aloxamento en plataformas dixitais.
  • RADIO EN DIRECTO : Montaxe dunha emisora, estrutura dunha emisión: sintonías, cortes de voz, cortes de música, diferenza entre locución e control técnico, elaboración dun programa, deseño e tipoloxía de programas, como elaborar un guión e unha escaleta, temas a tratar, música para incluír nos programas.

MOITAS GRAZAS A DAMIÁN E A XERARDO, DE SEGURO QUE REPETIREMOS ESTA EXPERIENCIA.

 



Sabemos que hoxe non foi o DÍA INTERNACIONAL DA RADIO ( 13 DE FEBREIRO) PERO PARA NÓS SÍ QUE FOI... 

O NOSO PRIMEIRO PROGRAMA :)