EXPOSICIÓN MICRORREDE: A VOLTA COAS PALABRAS

" 25 ANOS APEGADO AO NOSO" 

PEDAGOXÍA VERDE.

 

FAMILIAS CONTANDO E CANTANDO...
 

PRESENTAMOS A GUÍA DAS ÁRBORES

DO NOSO PATIO.

CANTOS E CONTOS DE TRADICIÓN ORAL

 QUERIDAS FAMILIAS :)

Precisamos da vosa axuda !

LEMBRADES cales eran aqueles CANTOS e CONTOS que vos cantaban e contaban os vosos/as avós, avoas, nais, pais ou algún veciño/a da vosa contorna? #facedememoria

 

Dentro do marco do proxecto " 25 ANOS CAMIÑANDO XUNTOS", queremos facer un libriño con:

"CANTOS E CONTOS DE TRADICIÓN ORAL"  

PODEDES ENVIARNOS A bibliogaldo16@gmail.com audios ou vídeos (gravados de forma horizontal, cos vos@s fill@s,cos avós, avoas ou veciños).

• CANCIÓNS DE BERCE.
• CANCIÓNS DE BOTAR A SORTE.
• CANCIÓNS DE XOGOS POPULARES.
• CONTOS TRADICIONAIS ORAIS.  

Este traballiño ímolo expoñer na semana das LETRAS GALEGAS, xunto co resto de traballos feitos polas bibliotecas escolares que forman parte da MICRORREDE da Mariña. A exposición leva por título: "A VOLTA COAS PALABRAS".  

EN QUE CONSISTE O NOSO PROXECTO? 

Sabemos que o alumnado é feliz no PATIO da escola, un patio con moitas posibilidades, xa que, ademais de xogar, tamén podemos utilizalo como un recurso que nos brinda a natureza para pode aprender del, o que ben chamamos PEDAGOXÍA VERDE.

Despois da Pandemia mundial da COVID 19, tiñamos claro que dar clase no exterior era a prioridade, por iso, pouco a pouco, fomos facendo diferentes actividades de forma transversal. 

 

Algunha destas actividades foron: GUÍA DAS NOSAS ÁRBORES, ROTEIROS LITERARIOS, OBSERVACIÓN DE PLANTAS, FENÓMENOS ATMOSFÉRICOS, TRABALLO NO INVERNADOIRO, A NOSA HORTA... e APADRIÑAMENTOS LECTORES que tanto nos gustan.

Queremos deixar plasmada esa imaxe do PATIO que teñen os nosos nenos e nenas e mostrala á comunidade. Con tal fin, farase nun lenzo un MOSAICO elaborado a partir dos seus debuxos do patio, lenzo que se mostrará na exposición do Concello.

 

"25 anos correndo, xogando, aprendendo, medrando, camiñando xuntos ben merecen ser mostrados"