Empeza un novo curso e pouco a pouco empezamos a por en marcha moitas das actividades que anos atrás eran practicamente rutinas.
Aproveitando ese marabilloso espazo que supón a nosa biblioteca LÏA, reunímonos cada día un grupo distinto para poder usar o material que alí temos. A uns antóxasenos construír co Lego, mentres que outros preferimos as manualidades, a reciclaxe,... Todxs temos cabida neste espazo.
Tamén mantemos os clubs que puxemos en marcha os máis pequenos e que facemos neste lugar de encontro no tempo de lecer: xogos de mesa, xedrez, crafting,... temos un montón de cousas que ensinar ao resto de compañeiros e compañeiras.
