PLAN DIRECTOR "DELITOS DE ODIO"

Fai unhas semanas tivemos a visita da Policía Nacinal para tratar o tema "Delitos de odio". Esta é unha actividade que soemos facer dentro do Plan Director, orientada aos grupos de 5º e 6º. Durante a charla, explicouse que é iso dos "delitos de odio", mostráronse vídeos e déronse recomendacións e posibles actuacións ante tal delito.

CONTOS CONTRA A VIOLENCIA 3

O "Libro dos porcos" súmase aos "Contos contra a violencia". Un libro que nos fai reflexionar sobre o significado da igualdade e da colaboración.

Moitas grazas a esta familia! Un pracer contar con vós!

TRABALLANDO PARA MELLORAR O MUNDO

Xa conseguimos as bolsas de tela, que cada un decorará co seu propio deseño e que usaremos e regalaremos para concienciar e evitar as de plástico.

Son varios os grupos implicados e todos e todas se esmeran no deseño de logos e eslogans. A causa o merece.

MENSAXE NUNHA BOTELLA

Esta historia empezou cunha botella...

Unha botella cunha mensaxe de auxilio! 

Nada menos que os mares e océanos necesitaban da nosa axuda para desfacer aquelo que non fomos capaces de ver. Quéixanse, e con motivo, do pouco conscientes e respectuosos que somos con eles, co medioambente. 

Non somos conscientes do problema, cremos que esa masa case infinita é capaz de soportalo todo, de agochar, de tragar todo o lixo que nel botamos. Que o que facemos non afecta a outros...

Nada máis lonxe da realidade!

CONTOS CONTRA A VIOLENCIA 2

 Maruxa foi o conto que deu  paso ao segundo día de “Contos contra a violencia” ! Neste caso, un grupo de nais deleitaron ao alumnado con esta divertida representación!

Moitas grazas!

CONTOS CONTRA A VIOLENCIA

Este ano, para conmemorar o 25 de novembro, Día contra a violencia de xénero,  realizamos a actividade “Contos contra a violencia”. Durante esta semana vamos poder disfrutar dun contacontos diario nos que os participantes son pais e nais do noso alumnado.

Os contos representados tratan sobre temas como a igualdade, tolerancia, estereotipos, traballo en equipo...

Hoxe abriron o telón tres nais co conto “Max y los superhéroes”! Moitas grazas pola colaboración!

DÍA MUNDIAL DA INFANCIA

Un día coma hoxe, recordamos que todos os nenos e nenas do mundo teñen dereitos!

APRENDENDO CON CACHARELA

Onte viñeron ao colexio representantes da Asociación Cacharela de Covas para mostrarlles ao alumnado a música tradicional galega a través de instrumentos como as cunchas, pandeireta, tambor, bombo e a gaita!

Moitas grazas!

REPRESENTACIÓN "WANGARI"

Representación do libro Wangari de Janette Winter, Ediciones Ekaré, por parte do alumnado de 5º de Primaria e 6º de Ed. Infantil, como parte das actividades de animación para o Día das Biliotecas Escolares.

E DESPOIS DO SAMAÍN... CHEGA O MAGOSTO!!

Como nos gusta esta festa no noso colexio!!! Castañas, sombreiros, xogos populares... facemos moitas cousas!!

Decoramos a entrada do colexio cunha castaña xigante rodeada de castañas pequeniñas, ourizos, sombreiros e libros do outono e do magosto que utilizamos nas aulas na hora de ler.

No seguinte vídeo tedes unha mostra do ben que o pasamos no magosto. Comimos castañas, divertímonos con xogos populares, fixemos o manifesto do peón...

MAGOSTO 2017

NOVEMBRO... MES DA CIENCIA

Dende o 2014, a Consellería de Cultura, Educación e Ordenación Universitaria vén propoñendo a celebración do mes de novembro como,MES DA CIENCIA EN GALEGO NAS BIBLIOTECAS, tamén nas bibliotecas escolares. Cada ano pídese a un científico ou a unha científica do país a redacción dun "manifesto"que se edita e distribúe a través dos medios web das bibliotecas. 

A matermática Pregrina Quintela Estévez, Premio "María Joséfa Wonenburger Planells" 2016, foi a encargada de escribir o manifesto deste ano 2017. 

Estos son os recursos que nos propoñen as BIBLIOTECAS ESCOLARES dende o seu blog:

- LIBROS RECOPILADOS EN PINTEREST.

-RECOPILACIÓN DOS MATERIAS DE CIENCIA EN GALEGO.

Dende BIBLIOGALDO xa nos puñemos mans á obra...NA CLASE DOS AZUIS, levan todo o mes con experimentos elaborados polos nenos e nenas. Galdiño propuxo facer un CLUB DE CIENCIA este curso,no que participarán os cursos de 3º,4º e 5º. O noso rincón da ciencia estase a construir,e mentras tanto, na última semana do mes de novembro teremos os RECREOS CIENTÍFICOS,nos que o alumnado de 6º de E.I, 4º curso e 5º faran de forma voluntaria,algún experimento para o resto do alumnado. 

 ASÍ QUE XA SABEDES SE CHE GUSTA A CIENCIA....VEN Á BIBLIOTECA! 

DÍA DO PEÓN.

"Outro ano máis,  achegándonos ao mes de novembro, temos a ben convocar a celebración do Día do Peón. E con esta xa imos pola decimoterceira edición!

Baixo o lema de “Polo San Martiño, peóns ao camiño”, pretendemos que os días previos e posteriores ao 11 de novembro (este ano  coincide en sábado) se convirtan nunhas datas na que os peóns tomen as prazas e rúas do país."

Así é como Brinquedia (Rede Galega do Xogo Tradicional) nos convoca a celebrar o Día do Peón.

Premendo na imaxe poderedes atopar unha serie de recursos que podes ser de utilidade para celebrar este día!

Premendo na imaxe tamén poderedes atopar unha canción: "Eu teño un trompiño"