3 DE DECEMBRO "DÍA INTERNACIONAL DA DISCAPACIDADE"

 Ola rapazada :)

 Esta semana estivemos REFLEXIONANDO sobre unhas palabras fermosas que dixo EDUARDO GALEANO que din así:

Cada persoa baila con luz propia

entre todas as demais.

Non hai dous fogos iguais.

Hai fogos grandes e fogos pequenos

E fogos de todas as cores.

Hai xente de fogo sereno,que non se entera do vento

E hai xente de fogo tolo, que enche o aire de chispas.

 

NON HAI DOUS CEREBROS IGUAIS, TODOS SON DIFERENTES e iso supón desenvolver de maneira óptima o NOSO TALENTO ou CAPACIDADE

ASÍ QUE ...VIVA A DIVERSIDADE! 

 

Queredes ver todas esas capacidades e talentos do noso alumnado?

 

 ALUMNADO DE INFANTIL

ALUMNADO DE 1º e 2º

ALUMNADO 3º e 4º

ALUMNADO 5º e 6º

 

 

25N "DÍA CONTRA A VIOLENCIA DE XÉNERO"

Ola rapazas e rapaces...

 Aquí tedes o voso traballo final, o resultado desas REFLEXIÓNS feitas en titorías elexindo a vosa PALABRA para facer un  ÚNICO CAMIÑO  POSIBLE. . .o camiño hacia . . .

 

AMAR sen renunciar a ser quen somos. Ser TOLERANTES e saber aceptar os amores non correspondidos.

Aprender a ALOUMIÑAR coas accións e coas palabras.

 Debemos perseguir a IGUALDADE de oportunidades e responsabilidades e saber buscar o acordo ou desacordo coa palabra e co RESPECTO.

Debemos traballar a EMPATÍA para ver a magnitude e o alcance da violencia. Ser VALENTES polas que non POIDERON, polas que XA NON ESTÁN pero ABRIRON O CAMIÑO.

Deixemos o CAMIÑO DA VIOLENCIA e CONSTRUAMOS UN CAMIÑO TRANSITABLE para avanzar.

 

TODOS E TODAS 

 

QUERÉMONOS VIVAS! 

 

 

PORQUE UN CAMIÑO MELLOR É POSIBLE

 

Ola rapazada :)

 

Galdiño estaba ansioso por voltar á escola e que mellor forma que celebrando o Día das Bibliotecas Escolares. Como foi o sábado 24 de outubro, hoxe queremos celebralo con todos/as vós.

Pero non notades a Galdiño algo raro? Que leva posto? estou segura de que xa sabedes que ocorre e senón pensade que vos encontrastes na casa esta fin de semana...sería isto?

 

 Se aínda non o tedes claro estade ben atentos ao visionado deste vídeo.

Este curso, traballaremos o CAMIÑO DO MAR, unha ruta alternativa ao trazado costeiro do Camiño Norte que vai dende Ribadeo ata Neda. 

 

 

Ten un percorrido duns 140 km, comeza en Ribadeo e continúa polos concellos de Barreiros, Foz, Burela, Cervo, Xove, Viveiro, Ortigueira, Cedeira e Neda ata fundirse co trazado oficial do Camiño Inglés , ata chegar a Santiago de Compostela. 

 

 

 

 

 

 

 

 

 

 
 

 

 

 

 

 

 

 

 

 

 

 

A temática elixida parte da temática proposta para o presente curso por Voz Natura e irá en estreita relación con todos os equipos do centro como Dinamización da Lingua Galega e Extraescolares.

 

É o momento de elexir o camiño...o Camiño do Mar..e ti? terás que facer o camiño e deixar a túa pegada,non sí? IMOS?

 

 COMEZAMOS!

 

RECOMENDACIÓNS LECTORAS PARA O VERÁN

 Ola peques :)

Rematamos o curso, si , tres meses sen poder vervos pola biblioteca, que triste estou...pero sei que lestes moito durante este tempo, non hai más que ver os vosos traballos de clase, superdocumentados.

Chega o verán, periódo de vacacións para disfrutar coa familia, cos amigos...pero non deixedes de LER, na praia, na casa, no campo, só, soa...ou acompañados...a lectura en familia tamén é maravillosa.

Galdiño déixavos unhas recomendacións lectoras, de xogos, películas e música relacionados co noso proxecto para que  sexades de verdade uns expertos e expertas ACTIVISTAS do coidado dos océanos.

GOZADE COA LECTURA AMIGUIÑ@S! 

TRÍPTICO VERÁN INFANTIL

TRÍPTICO VERÁN 1º E 2º.

TRÍPTICO VERÁN 3º E 4º.

TRÍPTICO VERÁN 5º E 6º.

ACTIVIDADES DAS NOSAS LETRAS

PARABÉNS RAPAZADA, porque os traballos das NOSAS LETRAS son MARABILLOSOS; Galdiño está moooi contento porque sabe que traballastes un montón dende as vosas casas, fostes por un momento caricaturizadores , plantadores de palabras máxicas, reporteiros da televisión galega e de RADIO GALDO...

Aquí vos deixo o resultado...

INFANTIL e 1º EP:  O alumnado de infantil cóntanos como se planta a palabra favorita deles/as en galego, e o alumnado de 1º son caricaturizadores de Ricardo Carvalho Calero.

RAPAZAS de 2º: Coas pitas como protagonistas, cóntannos un fragmento da súa obra AS PITAS BAIXO A CHOIVA.

ALUMNADO de 3º: COMO CHO CONTO!

 O alumnado de 3º traballou moitísimo para explicarnos algunhas cousiñas da normativa en Galego. No blogue Escoita, mira e comprede, podes ver o resultado.

ALUMNADO DE 5º: Foron os encargados de facer o programa informativo ESPECIAL LETRAS GALEGAS.

ALUMNADO DE 6º

 PODCAST VIDA E OBRA DE CARVALHO CALERO

COMO SE RECICLA NUN BARCO?

Ola rapazada de 5º de primaria :)

Lembrades aquela caixiña coa vosa carta de investigación dentro do proxecto SOÑANDO MARES TRANSPARENTES?

 Tiñades que averiguar o seguinte: 

 

1- Que barcos de Celeiro ou Burela reciclan en alta mar? 

2- Que barco foi o primeiro en reciclar? 

3- Que fan con ese lixo? E os que non reciclan? 

4- Cantos barcos galegos reciclan? Averigua a flota galega que agora mesmo existe e calcula o seu tanto por cen, paréceche moito? 

Neste video, A BORDO DO FLECHA, gracias a Tino (fillo do armador do FLECHA) coñecerás como se recicla nun barco.

ESCOITA E REFLEXIONA...

DESPOIS DE ESCOITAR A TINO, GALDIÑO presenta unha novidade da editorial kalandraka: 

PLASTICUS MARITIMUS,UNHA ESPECIE INVANSORA

(Se premes na imaxe poderás ver o libro en formato pdf.)

"Cada hora que pasa, mil toneladas de plástico van dar aos océanos. O equivalente a un camión cheo de plástico por minuto! Porque é artificial, invasora, contaminante e ten unha vida moi longa, esta 'especie' merece ter os días contados".

DÍA MUNDIAL DOS OCÉANOS

Onte, 8 de Xuño, foi o Día Mundial dos Océanos

En decembro de 2008 a Asamblea Xeral das Nacións Unidas resolveu que a partir de 2009, cada 8 de xuño se celebraría o Día Mundial dos Océanos.

Esta conmemoración ten como propósito concienciar á opinión pública sobre as consecuencias que a actividade HUMANA ten para os océanos e poñer en marcha un movemento mundial cidadán a favor da xestión sostible destes, xa que son unha fonte importante de alimentos e medicinas e unha parte esencial da biosfera.

Hoxe, se non fora polo covid-19, estariamos celebrando no cole a nosa feira, o final do noso proxecto... convidando a toda a  comunidade educativa.

Como non foi posible, pedímosvos que vós, coas vosas mensaxes, concienciedes a toda a CIDADANÍA, e así foi...o mar xa vos respondeu...  

             

DÍA DO MEDIO AMBIENTE

O día 5 de xuño, é o DÍA DO MEDIO AMBIENTE; este día debería de servirnos para reflexionar todo o que vimos falando e facendo durante estes cursos. 

Recordades a carta que lle enviastes á terra? Déixovos o  enlace para facer memoria... hoxe recollemos todas as vosas REFLEXIÓNS, fermosas todas elas, e cheas de sentido...pensades cousiñas que si se levaran a cabo, este mundo sería mellor :) 

Este libro recolle os vosos traballos; tamén fixemos un video contando os trociños de cada traballo mandado!

ESCOITADE E DESFRUTADE  :)

RAP DA AUGA

Ola familias :)

  Aquí tedes o resultado dunha actividade que quedou sen finalizar antes do confinamento aló polo mes de marzo. 

    O mes de marzo é o mes da POESÍA e tiñamos pensado levar a cabo un recital poético onde participaría todo o centro. 

   O alumando de 6º ía levar a cabo os raps cos que participaron no concurso que organiza Viaqua, "Galicia, Auga, Literatura e Rap". 

 Presentaron dous poemas de Manuel María, "Biografía do Miño" e "Desacordos contra os contaminadores do río Miño", no que resultaron gañadores da primeira fase do concurso.

Pareceunos unha temática que se axeitaba perfectamente ao noso proxecto. Poesía rapeada no noso entorno próximo: un pracer para os sentidos.

         

Que sorte temos de ter estas paisaxes ao ladiño do cole e poder pasar unha mañá recitando a carón do río Landro.

Este foi o primeiro grupo, formado por: 

Aarón, Daniela Franco, Daniela Sánchez e Pablo

" Desacordos contra os contaminadores do río Miño"

O segundo grupo estaba formado por: 

Daniela Iglesias, Antía e Alicia.

"Biografía do río Miño"

TAREFA FINAL DO PROXECTO: SOÑANDO MARES TRANSPARENTES

Ola rapazada :)

DÍA DO MEDIO AMBIENTE E OS OCÉANOS

O vindeiro 5 e 8 de  xuño é o Día  do  MEDIO AMBIENTE  e dos  OCÉANOS, repectivamente.

Antes desta situación de confinamento,  tiñamos pensado facer unha  actividade final do proxecto: “SOÑANDO MARES TRANSPARENTES” no centro e convidarvos a participar do traballo feito polos vosos fillos e fillas durante este curso. 

Pero non queremos quedar sen unha actividade final de proxecto, por iso temos unha proposta.

A idea é que nos enviedes unha mensaxe  na praia, co mar de fondo ( aproveitando estes días de sol). Unha mensaxe de esperanza para o noso mar… que queredes, que podedes facer para coidalo…

Os videos serán gravados en HORIZONTAL e cunha duración de 10 segundos. Podedes envíalos ao correo  bibliogaldo16@gmail.com co ASUNTO: "Mensaxe ao mar"
DATA LÍMITE: Sábado 6 de xuño.

Moitíiisimas grazas familia, de verdade…