29.1.14

PACE, una parola che mi piace!

Queremos Paz e así o cantamos en todos os idiomas.
Por proposta de Lisa, atrevémonos tamén en Italiano.

PACE, de Pietro Diambrini.
Podémola atopar no Youtube se queremos ver o simpático video que comeza cun fermoso arco da vella ou...





En "Canzoni" de www.suonolandia.it podemos escoitar a canción, descargar a letra e tamén a partitura en .pdf, descargar o audio .mp3 ou mesmo a base instrumental tamén en .mp3.



Os enlaces directos:

 CANZONI del WWW. SUONOLANDIA.IT 
 Letra da canción.PDF
Partitura.PDF



"Balla la pace con noi, balla non ti pentirai,
balla e dammi la mano perché
cosa più bella non c´e"



ACTILUDIS CON MADIBA !





Moitas fotos, imaxes e caricaturas coñecemos do noso héroe da Paz : Madiba, Nelson Mandela.
As imaxes que máis nos gustan son os debuxos que se podan pintar de cores vivos ou as caricaturas, tipo comic.
Navegando polos diversos recursos para traballar con Madiba, destacamos os que se recollen en


 ACTITLUDIS.  Calendarios do mes de Xaneiro con Mandela de protagonista, fichas e recursos, Mural da Paz, poema "Invictus" e o xenial comic


INVICTUS (de William Ernest Henley) era o poema favorito de Madiba. Traballamos coa adaptación a comic realizada por Zen Pencils e traducido por "El Guindilla". Sobre a vinganza e o perdón.

Mandela, preso, tiña que romper rochas  día tras día nunha canteira de pedra caliza. Foron pasando días, meses e anos de moitísimo traballo duro. O resplandor da rocha branca danou a vista de N. Mandela.



 A fotografía que mira é de si mesmo co seu fillo maior , Madiba Thembekile, quen morreu nun accidente de coche no ano 1969. A Mandela non se lle permitiu asistir ao funeral, nin tan sequera obter información sobre o accidente.


Foron pasando os anos e Mandela , coa súa actitude gañou o respecto e a amizade dalgúns dos gardas.


 Mandela soportou 27 anos de prisión con dignidade, determinación e forza.






Pero tamén optou, despois de todo, por PERDOAR.
Por exemplo, despois de ser liberado do cárcere, convidou a xantar ao fiscal que pediu a súa pena de morte.



O PERDÓN, que grande cousa para unir ás persoas!
Somos donos do noso destino e capitáns da nosa alma. Que haxa PAZ!
"Dame la mano, vamos todos a soñar por la Paz..." (di a canción de Juanes)

Cantas cousiñas interesantes descubrimos da vida deste Premio Nobel da Paz!
Na mesma páxina de Actiludis podemos atopar propostas interdisciplinares para traballar nesta Semana pola Paz arredor da figura de Mandela e a canción "Asimbonanga" (proposta por Adolfo Victorián Cano, mestre do CEIP "Reina de la Paz" en San Fernando, Cádiz).



 Caza do tesouro  "Nelson Mandela".

A mestra Mª del Carmen Fernández Ruíz, tutora de 5º curso e coordinadora da Biblioteca do CEIP "Vicente Aleixandre" de Torre del mar (Málaga), realizou unha interesante Caza do Tesouro para profundizar e saber máis da vida Mandela.

Onde e cando naceu?
Por que lle chamaban "Madiba"?
Que é o apartheid?
Por que foi preso? Canto tempo estivo preso?
Frases importantes que dixo,...

Estas e outras cuestións se propoñen para seguir documentándonos sobre as innumerables  pegadas que nos deixa Madiba.

Preparados, listos e... a buscar respostas e a desfrutar e aprender moito no proceso!

Caza do Tesouro NELSON MANDELA



DIFERENTES PERO IGUAIS. MÁIS PAZ E MÁIS MANDELA.

Pois sí, comezou a Semana da Paz e no cole estamos a traballar esa idea de "Somos DIFERENTES pero IGUAIS". Somos, en primeira persoa do plural. Non é fácil entender ben a frase. Por defender esa idea estivo Nelson Mandela preso máis de 27 anos. Negros e brancos, diferentes na cor da pel pero iguais no feito de ser persoas. O importante: as persoas. A pesares das diferenzas, necesitamos unirnos e con forza cantarlle á paz e á esperanza.



Preparamos un Acto para conmemorar o xoves 30 de Xaneiro o Día da Paz. Dende Infantil ata os maiores de 6º curso traballan na preparación do Acto colectivo pola Paz. Acordamos que a figura elexida como homenaxe sería Nelson Mandela.
Quen é Nelson Mandela? titulábamos unha entrada neste mesmo blog , con enlaces aos recursos do blog el mar es azul.

Como decía Madiba: "Vale máis contar un conto que dar un consello". Pois tomamos nota dos seus contos,




Madiba, consciente do poder da lectura, expresa no prólogo da súa recopilación de relatos:

"que a voz do narrador de contos nunca morra na África. Que todos os nenos e nenas de África podan maravillarse cos libros e que nunca perdan a capacidade de ampliar os seus horizontes de mundo coa maxia dos relatos".

Mandela era da opinión de que" hoxendía lense poucos libros, poucos contos. E que se non atopamos formas inxeniosas de abordar esta realidade, as futuras xeracións están en peligro de perder a súa historia".

Pois, por todo iso, dende o colexio queremos buscar maneiras inxeniosas de contar os contos, de cantar as mensaxes de paz.
Buscamos nos contos que recopilou o propio Nelson Mandela. Queremos ese libro para a nosa Biblioteca!
Escritores e ilustradores africanos, Mandela, grazas por tan prezado agasallo!



Paleta de cores vivos e chamativos que nos levan  a  África, un continente con un pasado protagonizado pola loita das cores neutras: Negros e brancos.



Este foi o conto que elexiron cos máis pequenos do colexio para traballar e contar de maneira inxeniosa.
Os de Infantil  cos elefantes,claro, e con África. 
Con axuda de Lisa e Katie teremos o conto traducido ao Italiano e ao Inglés. Os nenos e nenas de Infantil poñen a voz na súa Lingua.

A voltas coa tecnoloxía e o Audacity para que se escoite ben o que teñen que dicir os pequenos, a semente do futuro  da vida.


Mentres arman todo o conto, dende a casa pódese traballar o conto e actividades co Lim "Negros e brancos" da mestra Julia Pérez Vázquez, na Biblioteca Lim.


Os do primeiro ciclo tamén traballan o conto dos elefantes e estudan quen é Madiba. Mensaxes de paz e continuos ensaios para facer conxuntamente "Mensaxes de auga".





Canción: Mensajes de Agua, de Macaco. Estudando a mensaxe da canción coa versión con pictogramas de Arasaac que atopamos no   Youtube, dun colexio de Murcia.


Así que , xa comprendendo un pouco mellor cal é a mensaxe da canción, non dubidaron en responderlle á onda e en convertirse nunha marea de xente e de gotas diferentes capaces de danzar contentos e darse abrazos de catro brazos.




4º Curso está preparando...outra mensaxe de PAZ. A canción elexida é unha que gustou moito o ano pasado por estas mesmas datas. PAZ, PAZ,PAZ, de Juanes, en Lingua de Señas. Gravaronse videos tutoriais para aprenderse os signos. Grazas a Ana Mediadora e aos compañeiros e compañeiras de 4º.





Outro "Somos"..."la semilla del futuro de la vida,
Somos los niños que cantan por la paz y la esperanza".
PAZ, PAZ,PAZ.
 É unha mensaxe ben clara, verdade?

Mensaxes alegres e contos que rematan ben.
Pois máis contos. Esta vez a protagonista é unha nena, tamén diferente: Mara.
Sexto curso está a buscar a maneira de contarnos este contiño, facendo unha orixinal adaptación.


ORELLAS DE BOLBORETA
Texto:  LUISA AGUILAR
Ilustracións:  ANDRÉ NEVES
Tradución:  MANUELA RODRÍGUEZ.
Editorial Kalandraka.

Finalista do IV Premio Nacional Cittá Di Bella (Italia 2008)
Plan Nacional de Lectura (PNL Portugal)

Por que elixirían este conto?... Tamén queremos que nos conten esa parte!


Os alumnos e alumnas do 3º ciclo tamén están ensaiando para facer a súa aportación á Coreografía colectiva. Atrévense co seu papel nos "Mensaxes de auga" de Macaco.


 A mestra Rebeca e o mestre Marcial explican e reparten os papeis. Atentos ás instruccións!




Todos e todas escoitando, incluído Juan!

 Atentos a Rebeca e ao ensaio...

 

E todos" remando e cantando ao mesmo compás! "



"Mensaxes de auga" e mensaxes cantados en Lingua extranxeira . 5º e 6º atrévense ata co gospel a entonar
Freedom is in your hands, fermosa canción adicada a Mandela. Da gusto escoitar as voces do 3º ciclo.




Pois nada rapaces e rapazas, seguro que sae todo moi ben o xoves.
Lembrade traer parte de arriba branca, de manga longa e sen debuxo e pantalóns vaqueiros.
Diferentes e todos iguais.Como gotas de auga que se xuntan para facer unha oleaxe oceánica.
 Azul auga e branca paz. " Ondiñas veñen,
ondiñas veñen e van" nesta Nosa marea de xente. Oooooohhh!
"Somos..."





28.1.14

FLOCOS DE MILLO E O CINE DE INFANTIL

A tarde do xoves, xusto como estaba anunciado, tivemos sesión de cine Infantil. Cada un dos infantes colleron cadansúa entrada ou ticket e tomaron asiento fronte a pantalla grande. Os corredores do cole arrecendían a flocos de millo. Ía empezar a película titulada "Turbo".






 Datos e imaxes de www.sensacine.com

 Cine de animación.
Estreouse o 18 de outubro do 2013
Director: David Soren
Con: Ryan Reynolds, Samuel L. Jackson, Maya Rudolph.
País : EE.UU




 Este caracol de cor laranxa é Turbo. É o protagonista.
 O animaliño soña con ser rápido. Un caracol..rápido?
 Os caracois teñen a fama de molusco lento!




 Chissssssssssss...Silenzo na sala que comenza a función!

 

Atentos ao que na pantalla sucedía, co vasiño de flocos de millo estuveron entretidos.









                                          Juan tamén asistiu á sesión de cine. Logo escribiu sobre a película.



Así quedou o resumo que fixo Juan:




Vaia,parece que o caracol realmente era distinto aos demais caracois, un caracol rápido.
O público infantil xa está moi acostumado a que os protagonistas dos contos ou das historias sexan animaliños. Animaliños un tanto especiais e distintos da súa especie.Ao primeiro, no seu entorno só notan a diferenza e o distinto produce rexeitamento. Pero logo o distinto acaba tendo algo positivo. Os contos infantís e as películas acaban con final feliz. Por iso nos gustan os contos e os animaliños distintos. Diferentes: nin mellores nin peores aos máis, distintos.

Fagamos un repasiño por animaliños distintos, concretamente elefantes distintos dos contos infantís. 
"E de Elefante" . Vexamos:

Dumbo e as súas enormes orellas.


Xandre, o elefante sen sombra.



Elmer e os seus cadrados de cores, non era gris.

A propósito...sabedes porque os elefantes son de cor gris? A cor gris sae de misturar as cores negra e branca.
Pois, tamén había elefantes negros e brancos! Din que andaban sempre pelexando polas diferenzas...