MAGOSTO 2016!

No blogue "Con N de Nosa" podedes ver a celebración do Magosto!
Premede na imaxe e poderedes ver a recollida de castañas, os xogos populares e a desgustación das castañas asadas!

SAMAÍN ´16

E chegou Samaín! Neste mes de novembro o colexio de Galdo encheuse de medo e misterio. Para comezar deixamos un vídeo onde aparecen algúns alumnos/as preparando as cabazas nas súas casas.! Logo estas cabazas e unha morea máis, adornaron os corredores do noso colexio.

caba - Kizoa Editar Videos - Movie Maker

Ademáis, as portas das aulas e a entrada do colexio estaban terroríficamente divertidas!                                                  

Tamén nos convertemos en grandes cociñeiros preparando unhas receitas de medo que logo compartimos cos nosos compañeiro na festa de Samaín!

                     

Galdiño púxonos no expositor, unhas recomendacións de libros de medo apropiados para estas datas.

                        


No blogue de N de NOSA tamén podedes atopar unha entrada desta festa: http://con-n-de-nosa.blogspot.com.es/2017/01/cabazas-no-samain.html

DÍA INTERNACIONAL DA NON VIOLENCIA

"TI IGUAL CA MIN"

Neste día que se celebra o Día internacional da Non violencia contra as mulleres, queremos reflexionar sobre isto,e, un xeito de facelo é a través dos CONTOS,que nos contan historias de cada día,nas que se emprega a violencia contra as mulleres dunha maneira cotiá,moitas veces sen nos decatar. 

Por iso decidimos facer unha sesión contacontos,na que os protagonistas foran os nenos e nenas de 6º curso e 4º curso. Na  sesión da mañá, o alumnado de 6º curso elixiu o libro de ROSA CARAMELO, da editorial Kalandraka, para leerlles aos nenos e nenas de infantil e 1º e 2º curso. Fixérono xenial, Julen e Fátima metéronse no papel de Rosa Caramelo e os seus pais.

Pola tarde, o alumnado de 4º curso fixo unha "performance" do conto ARTUR E CLEMENTINA,tamén da autora Adela Turín, mentras que o papel de Artur foi representado por Brais, Bruno e Iago, Clementina foi interpretada por María. As súas compañeiras Mara,Shaila,Lucía,Andrea e Paula coa cara cuberta,representaban os diferentes sentimentos a través de palabras...palabras FEAS...que se deberían convertir en palabras BONITAS... esta era a forma de ver que tiveron os nosos alumn@s.

Para rematar a sesión, o mestre Marcial e a mestra Rebeca tamén fixeron unha sesión de contacontos co libro O PAÍS DOS MANDÓNS.

Rematamos o día cun photocoll e cantando todo o colexio, xunto coa comunidade educativa, a canción de Malú e Manuel Carrasco "QUE NADIE".

MOCHILAS VIAXEIRAS DE INFANTIL

Este curso está en marcha a mochila viaxeira!Esta, é unha experiencia pensada para o fomento e disfrute da lectura en familia.

É o soporte que nos permitirá levar á casa, en préstamo temporal, uns materiais que reforcen o vínculo entre familia e escola no seu labor común para a formación dos lectores máis novos.

Nestas mochilas incluímos unha gran variedade de libros: contos, libros de receitas, adiviñas, libros-CD libros para as familias e un caderno viaxeiro no que se convida ás familias a valorar esta experiencia. Nel pódese pegar fotos, comentar, debuxar...

·

Cada luns realizamos o sorteo da mochila. Poderemos disfrutar dela unha semana (de luns a luns).

Estamos desexando que nos toque!

DÍA DAS BIBLIOTECAS ESCOLARES 2017

O pasado día 24 de outubro foi o Día das Bibliotecas Escolares.

No noso colexio temos unha biblioteca e nela atópase un bibliotecario un pouco especial. Aos nenos e nenas de 4 anos chegoulles unha carta na que os mandaba seguir unhas cenorias que estaban tiradas no chan  e así  descubrir quen era ese bibliotecario .

Pois si! É o coello GALDIÑO!

CURSO 2016-2017

Aquí estamos un ano máis. Neste blogue poderedes ver parte das actividades realizadas no CEIP Plurilingüe Santa Rita de Galdo no curso 2016-2017.

LETRAS GALEGAS 2016

Ola queridos seguidores,

Xa sabemos que non foi sen tempo, pero por fin a temos lista para que a vexades!

Referímonos á nosa actuación da pasada celebración das Letras Galegas en honra a Manuel María.

Nesta actuación quixemos dar a coñecer o máis significativo da súa vida e sobre todo da súa obra a xeito de historia. Unha historia na que un neno, Manuel María, soña... e os seus soños están engailados ata que el mesmo os libera.

              
Parte das narracións están recollidas dos textos orixinais do autor, e as cancións son versións cantadas dos seus poemas.
Esperamos que vos guste!

MANUEL MARÍA NAS LETRAS 2016!

Unha das novas que saía en prensa e en televisión este fin de semana foi que o presidente da Real Academia Galega RAG ,Xesús Alonso Montero ,anunciou que o homenaxeado das Letras Galegas 2016 será o poeta lucense da Terra Chá...MANUEL MARÍA.

Para nós...unha alegría! Pois...gústanos a súa poesía!
Ademáis, a Real Academia de Galdo considera esta figura idonea para traballar no eido escolar polo seu grande valor didáctico . Ideal para traballar coa xente menuda!

Temos moitos recursos e o respaldo da Fundación que leva o seu nome

Ligazón á Fundación Manuel María


Un clásico da nosa literatura infantil... OS SOÑOS NA GAIOLA. (1ª edición no 1968) Existe o libro disco, proxecto de Suso Vaamonde 2006 a partir dos poemas.
Poemas que falan....do noso e da nosa!

O primeiro poema leva por título GALIZA e di así:

GALIZA

Galiza docemente 

está ollando ao mar;

¡ten vales e montanas

e terras para labrar!

Ten portos, mariñeiros

cidades e labregos

¡cargados de traballos

cargados de trafegos!

Galiza é unha nai 

velliña, soñadora

¡na voz da gaita rise,

na voz da gaita chora!

Galiza é o que vemos:

a terra, o mar, o vento.

¡Pro hai outra Galiza

que vai no sentimento!

Galiza somos nós:

a xente e máis a fala

¡Si buscas a Galiza

en ti tes que atopala!

MÁIS VALE TARDE QUE NUNCA!

Queridas familias e Comunidade Educativa:

As nosas disculpas por ir con tanto retraso nas publicacións deste e doutros blogs do cole...
Non se pode estar na misa e máis repicando ao mesmo tempo!... 

Este terceiro trimestre...foi un pouco atropelado...cheo de moitas actividades variadas e moitos Proxectos ao mesmo tempo...Moitos frontes aos que atender... O que moito abarca....

Tempo e tranquilidade sería o necesario para poñer en orde e ir publicando as interesantes actividades froito de moito traballo en conxunto entre alumnado e profesorado.

Pois ben, como Nunca choveu que non escampara... e agora só chove miudiño... como miudiño chove...xa están algunhas entradas no borrador do blog faltándolles un pouquichiño pouco para publicárense.

 As ACTIVIDADES  DA MICRORREDE DE BIBLIOTECAS da Mariña na semana de Exposición conxunta do Refraneiro de Cervo a Viveiro...será a seguinte entrada. O prometido é deuda!

Moitísimas enerxías invertidas desde cada un dos centros participantes da Microrrede para obter un magnífico resultado rico e variado: monólogos, teatro, teatro lido para radio, Monicreques, coro, recitado, rap, poesía, Rosalía, contos, libros...

Na próxima entrada e en breve contamos como se foron sucedendo as actividades...

CONCURSO LETRAS GALEGAS. PREMIADAS EN NARRATIVA E DEBUXO!

Tres alumnas de 4º de Primaria do noso colexio resultaron premiadas no Concurso Letras Galegas, iniciativa da Biblioteca Municipal do Concello de Viveiro.

Sara Díaz,
Diana Fernández
e Ángela López

"Da Ciencia á ficción,: o home na lúa, os robots, a realidade virtual, etc..." ese era o tema que narraron e ilustraron esta xove rapacería. No seu maxín misturaron planetas existentes e inventados, historias de aventuras e tamén de amizade, viaxes ao descoñecido, novas e futuras conquistas e convivencias...

La Voz de Galicia 2/6/2015

Este luns, 1 de xuño de 2015, tivo lugar na Biblioteca Municipal do Concello de Viveiro a entrega de diplomas e premios. O acto estivo presidido pola nosa alcaldesa María Loureiro. Asistiron responsables de Bibliotecas Escolares dos centros da zona, familias e os e as protagonistas das narraccións e debuxos premiados.

Noraboa a todos e a todas! Se non é doado escribir sobre a realidade, menos doado resulta representar o que non o é, a ficción, o futuro, galaxias imaxinarias,...historias de outros planetas!

Os e as xoves promesas da narración e debuxo resultan caras coñecidas...O colexio de Covas tamén conta con varios premios entre esta ducia de afortunados que soupo conquistarnos coas súas historias!

Entrevistaremos a Sara, Ángela e Diana para que nos informen máis polo miúdo das súas historias contadas en texto e en imaxes. Así, iremos completando esta entrada!