Chegou o Samaín, e xa sabedes que é época de terror, do escuro, de historias... Si, de historias de medo, xa oístedes as que creamos conxuntamente co cole de Covas.
Pero segue a ser unha oportunidade máis de seguir aprendendo e mantendo costumes, como a de alimentarse correctamente evitando os plásticos dun só uso. Sabedes que xa dende hai anos, coidamos moito as merendas que traemos ao cole, procurando que sexan sás, pero non por iso aburridas.
Por iso, tivemos un concurso moi divertido ademáis de sá: Merendas terroríficas!.
Consistiu en que todos e todas trouxeramos as nosas merendas "tuneadas" no estilo máis terrorífico e orixinal que se nos ocurrira e, a verdade, vaia imaxinación! Aquí tedes unha mostra.
